بەشداربووان دەبێت توانای پێناسەکردن و جیاکردنەوەیان هەبێت لە نێوان ڕووکاری بەکارهێنەر (UI) و دیزاینی ئەزموونی بەکارهێنەر (UX). ئەوان دەبێت گرنگی بنەماکانی دیزاینکردنی بەکارهێنەر بزانن لە دروستکردنی بەرهەمی دیجیتاڵی سەرکەوتوو.

فێربوونی بەکارهێنانی شێوازەکانی دیزاینی بەکارهێنەر-سەنتەری: لە کۆتایی بووتکەمپەکەدا، بەشداربووان دەبێ شارەزا بن لە ئەنجامدانی لێکۆڵینەوەی بنەڕەتی بەکارهێنەر، دروستکردنی (پێرسۆنا)کەسایەتی بەکارهێنەر، و بەکارهێنانی بنەماکانی بیرکردنەوەی دیزاین بۆ ڕێنماییکردنی بڕیارەکانی دیزاینەکەیان. هەروەها پێویستە لەوە تێبگەن کە چۆن ئەم تێگەیشتنانە بەکاربهێنن بۆ باشترکردنی ڕەزامەندی بەکارهێنەر و کوالیتی گشتی بەرهەم.

پەرەپێدانی توانا بنەڕەتییەکانی دیزاینی UI: بەشداربووان دەبێ بتوانن بە بەکارهێنانی ئامرازەکانی دیزاینی ستانداردی پیشەسازی، وایەرفرێم و پرۆتۆتایپ دروست بکەن. پێویستە بتوانن بنەماکانی دیزاینی بینراو وەک تیۆری ڕەنگ، تایپۆگرافی و داڕشتن بەکاربهێنن، بۆ دروستکردنی ڕووکارێکی سەرنجڕاکێش و دۆستی بەکارهێنەر.

دووبارەکردنەوە و باشترکردنی دیزاینەکان لەسەر بنەمای فیدباک: تا کۆتایی بۆتکامپ، بەشداربووان دەبێت ئەزموونیان پەیداکردبێت لە کۆکردنەوەی کاردانەوەی بەکارهێنەر لە ڕێگەی تاقیکردنەوەوە و بتوانن بە شێوەیەکی دووبارە دیزاینەکانیان باشتر بکەن لەسەر بنەمای فیدباکەکان. پێویستە لە گرنگی دووبارەکردنەوەی بەردەوام تێبگەن و بتوانن گۆڕانکارییەکان بە شێوەیەکی کاریگەر لەخۆبگرن بۆ بەرزکردنەوەی ئەزموونی بەکارهێنەر.